Дзеля жыцця на зямлі
02.05.201830 красавіка адбыўся раённы краязнаўчы фестываль “Дзеля жыцця на зямлі” на базе ДУА “Ставокская сярэдняя школа”, удзельнікамі якога сталі і вучні нашай школы – пераможцы раённага этапу рэспубліканскага конкурсу “Дарогамі памяці” ў рамках рэспубліканскай акцыі “Мы гэтай памяці верныя” – Жылевіч Ульяна, Радзівончык Мікіта і Скрэбель Аляксандра.
На фестывалі свае работы прадстаўлялі вучні школ раёна. Тэматыка работ уражвала сваёй разнастайнасцю: тапаніміка малой радзімы, традыцыі свайго класа, старонкі Чарнобыльскай трагедыі, гісторыі удзельнікаў ВАВ, мясцовы фальклёр.
На свята быў запрошаны ўдзельнік ВАВ, а таксама чалавек, які прысвяціў усё сваё жыццё ўзброеным сілам Рэспублікі Беларусь Пётр Захаравіч. Ветэран расказаў сваю гісторыю жыцця ў ваенныя і пасляваенныя гады. Напрыканцы дыялогу з вучнямі ён пажадаў нам светлага, мірнага і шчаслівага жыцця.
Усе вучні-пераможцы раённага этапу рэспубліканскага конкурса “Дарогамі памяці” былі ўзнагароджаны дыпломамі.
Скрэбель Аляксандра, вучаніца X класа