«Я чытаю вершы пра вайну ...»
10.05.2017Штогадовай традыцыяй школы стала Вахта памяці, прысвечаная Дню Перамогі. У рамках Вахты памяці 8 мая ў актавай зале школы прайшоў конкурс чытальнікаў «Май – гэта свята Перамогі!».
У майстэрстве чытання спаборнічалі дзеці ў трох узроставых катэгорыях: малодшыя – ІІ-ІV класы, сярэднія – V-VIII класы, і старэйшыя – IX-XI класы.
Удзельнікі мерапрыемства сур'ёзна рыхтаваліся да конкурсу: падбіралі творы, хваляваліся, чытаючы на памяць любімыя радкі пра вайну. У кожным выступе гучала пачуццё гонару за нашу краіну, кожны верш быў не проста прачытаны, а эмацыянальна перажыты кожным выканаўцам.
Перажывалі за чытальнікаў бацькі і гледачы-аднакласнікі.
Усе чытальнікі атрымалі дыпломы ўдзельніка конкурсу, а пераможцы і прызёры – ганаровыя граматы.
Дзякуй усім удзельнікам свята! Мы спадзяемся, што вершы пра вайну ў выкананні дзяцей пакінулі ў душы кожнага прысутнага светлыя і кранальныя пачуцці. Галоўнае, каб вайна заставалася ў вершах, малюнках, карцінах і ніколі не паўтаралася ў жыцці.
Заместитель директора по
воспитательной работе
Шелемет Л.П.