Рэспубліканская навукова-практычная канферэнцыя, прысвечаная 110-годдзю творчай дзейнасці Якуба Коласа
15.04.201614 красавіка адбылася рэспубліканская навукова-практычная канферэнцыя, прысвечаная 110-годдзю творчай дзейнасці Якуба Коласа, мэтай якой стала папулярызацыя творчай спадчыны класіка беларускай літаратуры Якуба Коласа.
Месца правядзення было абрана невыпадкова – гэта Дзяржаўны літаратурна-мемарыяльны музей Якуба Коласа, былы дом пісьменніка. Музей знаходзіцца ў прыгожым месцы. Вакол яго пасаджана шмат дрэў, за якімі ён нібы схаваны. Калі прайсці вакол музея, можна ўбачыць знакамітыя дубы, пасаджанныя пісьменнікам ў 1945 годзе вакол хаты ў гонар сваёй сям’і.
На канферэнцыі прысутнічалі ганаровыя госці: міністр адукацыі Рэспублікі Беларусь М. А. Жураўкін, намеснік галоўнага рэдактара газеты «СБ Беларусь сегодня» і іншыя. Сустрэча адбылася з галоўным госцем – малодшым сынам Якуба Коласа Міхасём Канстанцінавічам.
Нашым вучням Лучыц Крысціне і Пінчук Сузане пашчасцілася прадставіць на гэтым мерапрыемстве свае работы на тэму “Родны кут Якуба Коласа (апісанне мясцін, звязаных з жыццём і творчасцю Якуба Коласа)”.
Віншуем нашых удзельнікаў з дэбютам, выказваем вялікую падзяку настаўнікам беларускай мовы і літаратуры Дудко М.П. і Перашкевіч Н.І. за дапамогу ў падрыхтоўцы да літаратурнага форума і жадаем далейшых творчых поспехаў!