Тыдзень матэматыкі: “Матэматычная акварэль”
27.01.2020У пачатковых класах ДУА “Пінкавіцкая сярэдняй школы імя Якуба Коласа” Пінскага раёна з 15 па 22 студзеня 2020 года стартаваў тыдзень матэматыкі: “Матэматычная акварэль” . Тыдзень матэматыкі праводзіўся пад дэвізам: “Матэматыкі сцяжынкі адолеем без запінкі”.
Мэтай правядзення з’яўляецца развіццё асобасных якасцяў навучэнцаў і актывізацыя іх разумовай дзейнасці, падтрымка і развіццё творчых здольнасцей і цікавасці да прадмета, фарміраванне асэнсаванага разумення значнасці матэматычных ведаў у паўсядзённым жыцці.
У рамках тыдня былі праведзены наступныя мерапрыемствы: выстава малюнкаў “Што за лічба?”, “Матэматыка ў прыказках і прымаўках”, перапынак займальных заданняў ”Матэматычны карагод”, анкета-візітка “Мой клас у ліках і лічбах” і іншыя конкурсы і турніры.
Тыдзень пачаўся з урачыстай лінейкі, дзе вучні азнаёміліся з планам матэматычнага тыдня і атрымалі першае дамашняе заданне – намаляваць сценгазету .
На працягу тыдня навучэнцам не раз давялося праявіць матэматычную кемлівасць пры рашэнні “хітрых” задач, прадэманстраваць свае веды па розных тэмах, праявіць творчасць.
У конкурсе “Вясёлая геаметрыя” дзеці малявалі, майстравалі, фантазіравалі. Складалі розныя кампазіцыі геаметрычных фігур.
У групе падоўжанага дня адбылася выстава вырабаў з геаметрычных фігур, дзе конусы, прамавугольнікі, ціліндры пераўтварыліся ў займальныя істоты.
Вучні малодшых класаў асабліва любяць гульнявыя формы работы, таму з нецярпеннем чакалі гульнявую праграму “Вясёлы лік” і інтэлектуальную гульню “Знаўца матэматыкі”. Цяжка было стрымаць эмоцыі, кожны жадаў быць першым. Лічылі вельмі хутка, правільна і эмацыянальна.
Матэматычны бліц-турнір , конкурс матэматычных рэбусаў і КвіЗ, на якім удзельнікі праявілі цікавасць да прадмета, творчыя здольнасці, уменне лагічна мысліць, прайшлі на “адным дыханні”.
Юныя матэматыкі дружна працавалі ў камандах, дапамагалі адзін аднаму, абмяркоўвалі цяжкія пытанні, хваляваліся за сваіх сяброў. Было вельмі цікава
Такія мерапрыемствы ў пачатковай школе – гэта свята даўжынёю ў цэлы тыдзень. Вынікам тыдня сталі мноства перамог, адкрыццяў і здзяйсненняў. Мы яшчэ раз пераканаліся, што матэматыка – Царыца навук, а мы – жыхары гэтага каралеўства
Усе запланаваныя мерапрыемствы прайшлі на высокім узроўні. Педагогі ўпэунены ў тым, што такія формы работы даюць вялікі эмацыянальны зарад, надоўга запамінаюцца дзецям, спрыяюць фарміраванню станоўчай матывацыі да вучэбнай дзейнасці.
Вялікі дзякуй настаўнікам і выхавальнікам груп падоўжанага дня, якія прынялі ўдзел у насычаным, цікавым і пазнавальным тыдні “Матэматычная акварэль”.
Правядзенне прадметных тыдняў у школе ажыццяўляецца традыцыйна. Як форма дзейнасці яны развіваюць асобу навучэнцаў, фарміруюць крэатыўныя камунікатыўныя ўменні і развіваюць інтэлектуальныя здольнасці, а таксама спрыяюць росту прафесійных уменняў настаўнікаў.
Праведзеныя мерапрыемствы дазволілі школьнікам спазнаць сябе, далі магчымасць у большай ступені зацвердзіцца ва ўласных вачах і сярод сваіх сяброў. У цэлым яны паспрыялі развіццю творчага мыслення, уменню рабіць вынікі, выхаванню матывацыі да навучэння. Тыдзень матэматыкі прайшоў дружна і ўцягнуў у працу ўсіх навучэнцаў. Адчувалася здаровая канкурэнцыя сярод паралельных класаў.
Педагогі ўпэўнены ў тым, што пасля правядзення прадметных тыдняў у многіх навучэнцаў змяняюцца адносіны да вучобы, з'яўляецца зацікаўленасць ў спазнаньні новага, узмацняецца цікавасць да працэсу навучання.
Рамановіч Н.С., намеснік дырэктара па вучэбнай рабоце
Скоўбель С.І., настаўнік пачатковых класаў