Нам засталася спадчына
21.2.201421 лютага ва ўсім Свеце з 2000 года адзначаецца дзень роднай мовы, мэтай якога з’яўляецца абарона моўнай і культурнай разнастайнасці. І Беларусь не выключэнне з правілаў. У нашай школе таксама не забыліся пра гэтую нагоду.
Асноўнай мэтай Дня мовы стала прапаганда і папулярызацыя роднай мовы. Увесь дзень навучэнцы імкнуліся размаўляць па- беларуску не толькі на ўроках, але і на перапынках. На другім паверсе школы была арганізавана выстава, дзе былі змешчаны выслоўі беларускіх класікаў аб беларускай мове.
Правядзенне такога дня дало дзецям магчымасць зразумець, што беларуская мова – з’яўляецца найвялікшым нацыянальным скарбам. Гэта быў сапраўдны цуд – чуць чыстую родную беларускую мову.
Спадзяёмся, што правядзенне такога дня стане добрай традыцыяй у нашай школе.