“Беларусь – мая Радзіма”
20.11.202120 кастрычніка ў рамках шостага школьнага дня было праведзена мерапрыемства для акцябрат ”Беларусь – мая Радзіма”.
Для навучэнцаў была падрыхтавана цікавая і пазнавальная віктарына, падчас якой дзеці адказвалі на пытанні, разгадвалі загадкі, паглыбілі свае веды аб гісторыі нашай краіны.
У першым туры, які называўся “Мая Беларусь”, удзельнікі адказвалі на пытанні тэматычных блокаў: “Міфы, святы і абрады”, “Рэкі і азёры”, “Жывёльны і раслінны свет”, “Пісьменнікі і паэты”, “Культура Беларусі”, “Прадпрыемствы краіны”.
Другі тур называўся “Наша Піншчына” і ўдзельнікам трэба было паказаць свае веды аб Пінскім раёне і вёсцы Пінкавічы.
Інтэлектуальная гульня дапамагла навучэнцам выявіць свае інтэлектуальныя здольнасці, папоўніць і пашырыць свае веды. Завяршылася гульня словамі: “Мая Радзіма – гэта тое месца, якое дае мне новыя сілы і жаданне рухацца насустрач маім марам. Кожны з нас павінен быць годным прадстаўніком свайго народа і сваёй краіны!”
Намеснік дырэктара па выхаваўчай рабоце
Шэлемет Л.П.